மசகான் டாக், கார்டன் ரீச் ஷிப்பில்டர்ஸ் நிறுவனங்களின் வளர்ச்சி வாய்ப்புகள் குறைவாகவும், பங்கு மதிப்பீடுகள் அதிகமாகவும் இருப்பதாகக் கூறி, அவற்றை விற்க கோல்ட்மேன் சாக்ஸ் பரிந்துரைத்துள்ளது.
கோல்ட்மேன் சாக்ஸ் இன்று வெளியிட்ட ஆய்வறிக்கையில், மசகான் டாக் பங்கின் இலக்கு விலையை ரூ.1,855 ஆகவும், கார்டன் ரீச் பங்கின் இலக்கு விலையை ரூ.1,515 ஆகவும் நிர்ணயித்துள்ளது. ஆய்வின்போதைய விலைகளிலிருந்து இவை முறையே 7%, 24% சரிவைக் குறிக்கின்றன.
புதிய சந்தை வாய்ப்புகளில் இரு நிறுவனங்களுக்கும் குறிப்பிடத்தக்க இருப்பு இல்லை. 2029 நிதியாண்டுவரை வட்டி, வரி, தேய்மானம் மற்றும் கடன் தள்ளுபடிக்கு முந்தைய லாபம் ஆண்டுக்குச் சராசரியாக 19.3% குறையும் எனக் கணிக்கப்பட்டுள்ளது. சர்வதேச கப்பல் நிறுவனங்களைவிடக் குறைந்த ஆர்டர்களும் வளர்ச்சி வாய்ப்புகளும் இருந்தபோதும், இவற்றின் பங்குகள் அதிக மதிப்பீட்டில் வர்த்தகமாகின்றன. இவையே இந்த பங்குகளை விற்கலாம் என பரிந்துரைக்க காரணங்கள்.
முக்கியத் திட்டங்களின் விநியோகம் இறுதிக்கட்டத்தை எட்டியுள்ளதால், தற்போதைய சாதனை வருவாய் நீடித்த வளர்ச்சியைக் காட்டவில்லை என்றும் ஆய்வு குறிப்பிட்டுள்ளது.
இன்றைய வர்த்தகத்தின் ஒரு கட்டத்தில், கார்டன் ரீச் பங்கு 5.2% சரிந்து ரூ.1,917.90 ஆகவும், மசகான் டாக் பங்கு 5.1% குறைந்து ரூ.1,896.10 ஆகவும் இருந்தன. எனினும், மற்ற ஆய்வாளர்களின் சராசரி இலக்கு விலைகள் இரு பங்குகளுக்கும் ஏற்ற வாய்ப்பைக் காட்டுகின்றன. இதனால் தரகு நிறுவனங்களின் மதிப்பீடுகளில் மாறுபாடு நிலவுகிறது.
