வேலூர் மாவட்ட உழவர் சந்தைகளில் 3 நாட்களில் மட்டும் ரூ.1.31 கோடிக்கு காய்கறி மற்றும் பழங்கள், பூக்கள் விற்பனையானது.
வேலூர் டோல்கேட், காகிதப்பட்டறை, காட்பாடி , குடியாத்தம், பள்ளிகொண்டா, பேரணாம்பட்டு ஆகிய பகுதிகளில் உழவர் சந்தைகள் செயல்பட்டு வருகின்றன. ஆயுத பூஜை, விஜயதசமி நாட்களில் வீடுகள் மற்றும் அலுவலகங்கள், கடைகள், கம்பெனிகள் ஆகியவற்றில் பூஜைகள் நடைபெற்றது. இதற்காக பழங்கள், பூக்கள் அதிகளவில் வாங்கி சென்றனர்.
பண்டிகை மற்றும் விடுமுறை நாட்கள் என கடந்த 3 நாட்களில் மட்டும் மாவட்டத்தில் உள்ள உழவர் சந்தைகளில் 293 டன் பழங்கள், காய்கறிகள் மற்றும் பூக்கள் என ரூ.1 கோடியே 31 லட்சத்து 40 ஆயிரத்துக்கு விற்பனையானது என உழவர் சந்தை அதிகாரிகள் தெரிவித்தனர். இதன்காரணமாக விவசாயிகளும் மகிழ்ச்சி அடைந்தனர்.
