மும்பை:
இந்தியாவின் ரூ.20,000 கோடி மதிப்புள்ள மொபைல் திரைப் பாதுகாப்பு கண்ணாடி சந்தையில் பெரிய பங்கைப் பிடிக்க ஆப்டிமஸ் இன்ஃப்ராகாம் திட்டமிட்டுள்ளது. இந்தச் சந்தை 2030-க்குள் ரூ.40,000 கோடியாக உயரும் என நிறுவனம் மதிப்பிட்டுள்ளது. தற்போது இத்துறை பெருமளவில் இறக்குமதியைச் சார்ந்துள்ளது.
2027 ஜனவரி முதல் திரைப் பாதுகாப்பு கண்ணாடிகளுக்கு பிஐஎஸ் தரச்சான்று கட்டாயமாகலாம் என ஆப்டிமஸ் எதிர்பார்க்கிறது. இதனால் தரமற்ற இறக்குமதி குறைந்து உள்நாட்டு நிறுவனங்களுக்கு வாய்ப்பு அதிகரிக்கலாம்.
நொய்டாவில் நிறுவனம் உற்பத்தி ஆலையை அமைத்துள்ளது. ‘ரைனோடெக்’ உயர்தர பிராண்டாகவும், ‘ஆப்டிகார்டு’ குறைந்த விலை பிராண்டாகவும் அறிமுகப்படுத்தப்பட்டுள்ளது. விலை, தரம், விநியோக வலையமைப்பு ஆகியவையே நிறுவனத்தின் வளர்ச்சியைத் தீர்மானிக்கும்.
