இரண்டாம் காலாண்டு முடிவுகளின் அடிப்படையில், ஐஆர்இடிஏ, ஜியோ ஃபைனான்சியல் நிறுவனங்களைவிட பஜாஜ் ஃபைனான்ஸ் சிறப்பாகச் செயல்பட்டுள்ளதாக சந்தை நிபுணர்கள் தெரிவித்துள்ளனர். லாபம், வட்டி வருமானம், நிர்வகிக்கும் சொத்துகள் ஆகியவற்றின் தொடர்ச்சியான வளர்ச்சி இதற்கு காரணமாகக் கூறப்பட்டுள்ளது.
பஜாஜ் ஃபைனான்ஸின் ஒருங்கிணைந்த நிகர லாபம் ஆண்டுக்கு ஆண்டு 29 சதவீதம் உயர்ந்து, ரூ.6,367 கோடியை எட்டியுள்ளது. நிகர வட்டி வருமானம் 24 சதவீதம் அதிகரித்து ரூ.13,335 கோடியாகவும், நிர்வகிக்கும் சொத்துகள் 26 சதவீதம் உயர்ந்து ரூ.5.85 லட்சம் கோடியாகவும் உள்ளன.
ஐஆர்இடிஏ-வின் அரையாண்டு மொத்த வருமானம் 14 சதவீதம் அதிகரித்து ரூ.4,594.29 கோடியானது. எனினும், நிதிச் செலவுகளும் உயர்ந்துள்ளன.
ஜியோ ஃபைனான்சியலின் காலாண்டு நிகர லாபம் 51 சதவீதம் சரிந்து ரூ.340.44 கோடியானது. ஈவுத்தொகை வருமானம் நீங்கலான மொத்த வருமானம் 132 சதவீதம் வளர்ந்து ரூ.1,699 கோடியை எட்டியது.
பஜாஜ் ஃபைனான்ஸ் பங்கு ரூ.1,000 என்ற எதிர்ப்பு நிலையை உறுதியாகக் கடந்தால், குறுகிய காலத்தில் ரூ.1,035 வரை உயரக்கூடும் என்று கணிக்கப்பட்டுள்ளது.
