ஆய்வகத்தில் உருவாக்கப்படும் வைர நகைகளை விற்பனை செய்யும் ஸினாரா நிறுவனம், தொடக்கநிலை முதலீட்டுச் சுற்றில் ரூ.3.61 கோடி நிதி திரட்டியுள்ளதாக தெரிவித்தது. இன்ஃப்ளெக்ஷன் பாயின்ட் வென்ச்சர்ஸ் நிறுவனம் இந்த முதலீட்டுச் சுற்றை வழிநடத்தியது.
நைன் ஜூவல்லரி நிறுவனம், பாலிவுட் நடிகை நிகிதா தத்தா மற்றும் பிற தனிநபர் முதலீட்டாளர்களும் இச்சுற்றில் பங்கேற்றனர். இதுகுறித்த தகவல்களை ஸினாரா நிறுவனம் தனது அறிக்கையில் வெளியிட்டுள்ளது.திரட்டப்பட்ட நிதி, நிறுவனத்தின் பணியாளர் குழுவை விரிவுபடுத்தவும், சந்தைப்படுத்தல் நடவடிக்கைகளைத் துரிதப்படுத்தவும் பயன்படுத்தப்படும். மேலும், விநியோகச் சங்கிலி உள்கட்டமைப்பை வலுப்படுத்தவும் நிறுவனம் திட்டமிட்டுள்ளது.
நவீன வடிவமைப்பு, ஆய்வக வைரங்கள், அணுகக்கூடிய விலை ஆகியவற்றை இணைத்து நகைகளை உருவாக்குவதாக இணை நிறுவனரும் தலைமைச் செயல் அதிகாரியுமான ஹர்ஷித் அப்ரோல் தெரிவித்தார். புதிய முதலீட்டாளர்களின் தொழில்முனைவு அனுபவமும் உற்பத்தித் திறனும் நிறுவனத்தின் வளர்ச்சிக்கு வலுசேர்க்கும் என்றார்.
