சேலம் மார்க்கெட்டில் சிம்லா, டெல்லி மற்றும் ராஜஸ்தான் ரக ஆப்பிள் விலை கிலோ முறையே ரூ.220, ரூ.250 மற்றும் ரூ.280-லிருந்து ரூ.180, ரூ.150, ரூ.120 மற்றும் ரூ.100 ஆகக் சரிந்துள்ளது.
விலை சரிந்ததால் சாலையோர வியாபாரிகள் மற்றும் பழக் கடைகளில் விற்பனை விறுவிறுப்பாக இருந்தது. சேலம் பெரிய கடை வீதியில், சாலையோர வியாபாரிகள் பெரிய அளவிலான ராஜஸ்தான் மற்றும் டெல்லி ரகங்களை கிலோ ரூ.180 மற்றும் ரூ.150-க்கு விற்றனர். சிறிய அளவிலான சிம்லா ஆப்பிள் கிலோ ரூ.100 மற்றும் ரூ.120-க்கு விற்கப்பட்டன.
ஆயுத பூஜை பண்டிகை தேவை உச்சத்தை எட்டும்போது விலை உயரக்கூடும் என்று வியாபாரிகள் தெரிவித்தனர். சேலம் வஉசி பூங்கா காய்கறி மார்க்கெட் தலைவர் கே.ஆர்.பாலமுரளி கூறுகையில், வரத்து அதிகரிப்பு காரணமாகவே ஆப்பிள் விலை குறைந்துள்ளது என்றார். பண்டிகையின் போது ஏற்படும் சிறிய எழுச்சிக்குப் பிறகு, விநியோகக் காரணிக்கு ஏற்ப விலை சீரடையும் என்றார்.
எனினும், பெரிய அளவிலான பழக் கடைகளில் விலையில் மாற்றம் இல்லை. சிறிய அளவிலான சிம்லா ரகம் கிலோ ரூ. 185-க்கும், நடுத்தர அளவிலான சிம்லா ஆப்பிள் ரகம் ரூ. 225-க்கும் விற்கப்பட்டது. இறக்குமதி செய்யப்பட்ட ரகங்கள் கிலோ ரூ.280 முதல் ரூ.320 வரை விற்கப்பட்டன.
தங்களிடம் இருப்பு அதிகமாக இருப்பதாலும், அதீத மறைமுகச் செலவுகள் (ஓவர்ஹெட்ஸ்) இருப்பதாலும்தான் சில்லறை விலையைக் குறைக்கவில்லை என்று கடையின் மூத்த ஊழியர் ஒருவர் தெரிவித்தார்.
