மியான்மர் முன்னாள் தலைவர் ஆங் சான் சூகியின் புதிய புகைப்படங்களை அந்நாட்டு அரசு வெளியிட்டுள்ளது. பிரிட்டன் மன்னர் மூன்றாம் சார்லஸ் அனுப்பிய புத்தகங்கள், கடிதம் ஆகியவை அவரிடம் வழங்கப்பட்டபோது இந்தப் புகைப்படங்கள் எடுக்கப்பட்டதாகத் தெரிவிக்கப்பட்டுள்ளது.
2021-ல் ராணுவப் புரட்சிக்குப் பிறகு கைது செய்யப்பட்ட சூகி, நீண்டகாலமாகப் பொதுவெளியில் தோன்றவில்லை. அவரது உடல்நிலை மற்றும் தற்போதைய நிலை குறித்து கவலைகள் நிலவும் நிலையில், இந்தப் புகைப்படங்கள் வெளியாகியுள்ளன. மன்னர் சார்லஸின் தலையீட்டுக்குப் பிறகு இந்த நடவடிக்கை எடுக்கப்பட்டதாகச் செய்திகள் தெரிவிக்கின்றன
