பாகிஸ்தானின் பெஷாவரில் தனியார் பள்ளிக் கட்டிடத்தின் மேற்கூரை இடிந்து விழுந்ததில் 28 குழந்தைகள் மற்றும் ஒரு ஆசிரியர் பரிதாபமாக உயிரிழந்தனர்.
பெஷாவரில் செயல்படும தனியார் பள்ளியின் மேற்கூரை திடீரென இடிந்து விழுந்தது. இதில் பள்ளிக் குழந்தைகள் இடிபாடுகளில் சிக்கினர். இந்த விபத்தில் 28 குழந்தைகள் மற்றும் ஒரு ஆசிரியர் பரிதாபமாக உயிரிழந்தனர். விபத்தில் உயிரிழந்த குழந்தைகள் 13 வயதுக்கு உட்பட்டவர்கள்.
தகவலறிந்து சென்ற மீட்புக் குழுவினர் இடிபாடுகளில் சிக்கியவர்களை மீட்கும் பணியில் ஈடுபட்டனர். மேலும், இடிபாடுகள் விழுந்ததில் 40-க்கும் மேற்பட்ட குழந்தைகள் பலத்த காயமடைந்து, மருத்துவமனைகளில் அனுமதிக்கப்பட்டுள்ளனர்.
அவர்களுக்கு தீவிர சிகிச்சை அளிக்கப்பட்டு வருகிறது. இது தொடர்பாக போலீஸார் விசாரணை மேற்கொண்டு வருகின்றனர்.
